Sinusunod ng aklat na Vinta: Paglalayag sa Wikang Filipino para sa Preschool ang Developmentally Appropriate Practices (DAP) habang nagbibigay rin naman ng mga mapanubok na mga tanong at gawain bilang tugon sa iba’t ibang konteksto at komunidad sa ating bansa. Ang kabuuang disenyo nito ay naglalayong palawigin ang karanasan ng bata sa pamamagitan ng instruksiyon para sa iba’t ibang mga kakayahan (bahagi ng intentional teaching).
Sinadya ang paglalatag ng masaya at makabuluhang mga karanasan at gawain sa textbook (teachable moments at meaningful learning experiences) para sa bata. Ang pag-uulit (repetition) at pagkakaugnay ng mga gawain (connection at integration) tungo sa mastery ay sinadya sa mga gawain sa aklat. Mula sa Paghahanda (motibasyon at talasalitaan), Paglusong (aralin), Pagsasagwan (wika at pagsasanay), Pagsisid (mga koneksiyon at pagpapalalim) tungo sa Pagdaong (formative assessment), makikita ang daloy ng mga aralin. Hinahamon ng aklat ang guro na magbasa, kumilos, at tumuklas upang makatugon sa mahuhusay na tanong at pagbabahagi ng mga musmos.
| MAY-AKDA |
Gng. Donna Mae Ponce-Batnag |
| SUKAT NG AKLAT | 8.0” x 10.5” |
| BILANG NG PAHINA | Nursery - 128 PreKinder - 208 Kinder - 192 |
| KARAPATANG-ARI | 2024-2025 |
Ang Preschool bilang antas ng paghahanda para sa unang baitang ay dinesenyo tungo sa mga inaasahang bunga:
1. Paghahasa sa paggamit ng mga pandama (senses);
2. Unti-unting pag-unlad ng kamalayan sa sarili, ibang tao, at paligid (awareness);
3. Paggamit ng mga kamay at paa sa paggawa at pagkilos (motor skills at movement);
4. Pag-aalaga sa sarili sa pamamagitan ng pagdedelop ng mga adaptive skills;
5. Pag-uugnay ng mga konseptong natutuhan sa araw-araw mula sa interaksiyon sa paaralan, pamilya, komunidad, at paligid;
6. Paglalahad, pagguhit, at pagsusulat ng sariling mga ideya at damdamin gamit ang wikang Filipino bilang bunga ng pag-iisip, pagtatanong, at pagkamangha; at,
7. Pakikipagtalastasan sa iba tungo sa higit at mas malalim a pag-unawa at organisado ng proseso at malikhaing pag-iisip (creativity at discovery).
